الرئيسيةالتسجيلدخول
المواضيع الأخيرة
» الوفاء للوافين
الإثنين 16 مارس - 13:32 من طرف ماريتا

» موقع تصميم جرافيك و لوجوهات و فلايرات رائع
الثلاثاء 26 نوفمبر - 17:18 من طرف fsulaiman

» قصيدة القلب موجوع
الأربعاء 3 أبريل - 4:38 من طرف $مخـ،،ـاوي الليـ،،ـل$

» طريقه احترافيه لزياده عدد المشاركات:
الثلاثاء 29 يناير - 22:36 من طرف $مخـ،،ـاوي الليـ،،ـل$

» ماجستى ستايل
الإثنين 21 مايو - 19:53 من طرف $مخـ،،ـاوي الليـ،،ـل$

» برنامج الفوتوشوب 8 عربي
الثلاثاء 20 ديسمبر - 20:31 من طرف سامى الحسينى

» وصل اعلانك لاكبر عدد من المهتمين
الأحد 4 ديسمبر - 3:14 من طرف زائر

» ملاذ الروح
الأربعاء 30 نوفمبر - 21:14 من طرف زائر

» اجمل موقع اسبيس جليتر الرسوم المحركه الأجنبي
الثلاثاء 22 نوفمبر - 5:29 من طرف زائر

» ماهو شعورك عندما ترى امك تبكي ؟؟؟؟ دع قلمك يعانق الحرية فإختلاف الرأي لا يفسد من الود قضيه
الإثنين 21 نوفمبر - 19:47 من طرف زائر

» اغاني ألبوم يارفيق الذوق مصوره لـــخالد عبد الرحمن 2011
الأربعاء 16 نوفمبر - 9:06 من طرف زائر

» برنآمج SWisHmax بإصدآرهـ الثـآلـث ^-^
الثلاثاء 8 نوفمبر - 1:09 من طرف ابراهيم حامد

» مطلوب وكلاء ... منتج استهلاكي معروف ومشهور
الإثنين 31 أكتوبر - 11:40 من طرف مايا ياسين

» ماجور ياللي من فراقك تعلمت
الأربعاء 26 أكتوبر - 19:58 من طرف زائر

» قصيده تعبر عن حاله بكل المعاني
الأربعاء 26 أكتوبر - 19:46 من طرف زائر


شاطر | 
 

 يبه.. وينك اسمعني.. , $$$$$$$$$$$$$$$$$$$$

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mutaz hasan
شمعاوي جديد
شمعاوي جديد‎‎
avatar

البيانات :
تقيم العضو : 10.0
العمر : 26

مُساهمةموضوع: يبه.. وينك اسمعني.. , $$$$$$$$$$$$$$$$$$$$   الخميس 25 فبراير - 19:06


يبة وينك انا مشتاقة لعيونك
انا بنتك انا الي دوم تدلعها تحاكيها وتفرحها
حلا عمري تناديها
يبة وينك تراني حيل محتاجة لكلمة حب ولهانة
يبة وينك مشتاقة لسواليفك لسهراتك وضحكاتك
مشتاقة للبسمة اذا قامت امي تناديلك
تبي تعرف اخباري علومي وكل اسراري
انا حبيت انا تولعت انا مشتاقة
انا اليوم يايبة عرفت الحب والوانة
انا ذقتة تجرعتة وطعم الشوق هو بابة
يبة وينك تعال ودي اسولف لك
تعال ودي احكيلك
انا ماني حلاك الي تركتها صغيرة
انا قلبي كبر وماعاد بيدي لا قدرة ولا حيلة
يبة حبيت انا انسان رجال بكل كلمة تطريبة
هذاك الي باحلامي ودوم اسولف لك عنة
تراة ماحد ماخذ عقلي سواة احبة يايبة اهواة
يبة تعال انا محتاجة احكيلك
تعال اجلس جنبي اسولف عليك وارويلك
انا عندي لك اخبار سوالف عشق واسرار


تقولي سولفي ياروحي سولفي يابعد عمري
يبة محتاجة تضمني بقوة حيل تحضني
انا والله تعبانة من الدنيا وكل مافيها
ابي حضنك يضللني ابي كلمة حلا عمري
وحشتني سواليفك وذيك النظرة بعينك
وحشتني حكاوينا
وضحك مايخلينا
يبة وش تبي اسولفلك
عن امي الي حبها بقلبك
تراها دوم تبكيلك عيونها ماغدت كحلا
ولبس ماعاد يزهي
يبة امي عافت الدنيا
في حبك ماتت وتحيا
تذكرت ذيك اليالي يوم انت تغازلها
بكل الحب تدلعها تناديها وتضحكها
واذا شفت الضحكة صرخت بعالي صوتك
انا ياقلبي يابختة اموت فيها واعشقها
تخجل امي وتسكت وانا وانت نضحك
تزيد امي بخجلها وانت تزيد بدلعها
وحشتني ذيك اليالي
وفرح كان مالي حياتي
يبة وينك ارد اقول انا وينك
انا ادري انت وين وارد اسأل وتبكيك هالعين
تمنيت يوم تتركني اموت واندفن بقبري
ليش الدنيا من بعدك مااشوف فيها نور

ليش احس اني وحيدة وقلبي دوم مكسور
اناودي تجاوبني تعودت انك تفهمني
تضحكني
تبكيني
تعاتبني
وتنصحني
انا والله تعبانة انا والله تعبانة
يبة اسمعني وين ماكنت بتفهمني
انا مشتاقة لحضنك حيل حيل احضني
طمني يبة الدنيا بترحمني
بتحن علي وتتركني
ولا بتذبحني بتدفني وانا حية
يبة في داخلي جمرة حزن بعيوني وعبرة
يبة تعال اسمع مني اسراري
تعال ودي اعطيك اخباري
وسر في حشا روحي يسري ..مع دمي ..وانفاسي
انا احب هالانسان ترى اسمة هو فلان
لقيت بصدرة حب وعشق مالة ميزان
انا احبة احسة دنيتي واغلى
انا اشوفة هوى عمري وعشق يحلى
حضني حيل وسماني حياة الروح واحلامي
معاة العمر يبة زان حضني حيل دفاني
معاة ماعدت اخاف عرفت في صدرة الامان
يبة احتاجة بقربي يضللني ويحميني
يبة احتاجة لروحي رفيق العمر وحبيبي
يبة اسمعني ماحد غيرك بيسمعني
انا عاهدتة احبة وهو دايم يعاهدني
اقولة اخاف من الدنيا ويقولي
احبك احبك وهي دايم تطمني
اذا شفت الحزن ليلة تراة يسمعني ويفهمني
واذا ضحكت من قلبي تراة هو سر فرحي وضحكي
انا من لي غيرة رجيتك يايبة علمني
انا مو من حقي اختار اعيش بجنة ولا بنار
انا هالانسان اخترتة ابية لعمري وعاهدتة
احبة واعشقة لو مهما صار
يبة بالله طمني انت راضي عني
تبي تقولي حنين يابعد عمري انتي اخترتي
يبة قولها ودي اسمعها
مابي غيرك يطمني …يهديني …يريحني
مابي احكي عن اخواني وعن الي حطم احلامي
عن الدمعة عن النظرة الحزينه والعنا والآه
عن البسمة و الإحساس أو الشقا اللي ف أيامي
ترى في دمعتي قصة وأنا في قصتي مأساة
أشوف الظلم أشوف الكره معميهم وكلن ملتهي بدنياه
أشوف الكل هاجرني ويقرب لحظة إعدامي

أنا والله لي قلب حنانه هو سبب بلواه
يالله تذكرتك يوم توصيني
تقولي ياحلا عمري
اخاف عليك من قلبك ترية دافي
يخوفني عليك ويذبحني
انا لقيت الي يصونة وانا والله اغلى من عيونة
يبة هو الي تتمناة وتوصيني ابد ماانساة
انا ودي تشوفة بعيوني
تعال يايبة بعثر بقلبي ونبش بروحي
تلاقي اسمة بقلبي وحبة يجري بدمي
انا اهواة انا اتمناة انا مابي من الدنيا سواة
انسان هادي بطبعة والخلق والثقل من اصلة
انسان كلمتة كلمة والرجولة في دمة
اموت في سواليفة وضحكة
والقسوة الي بصوتة لازعل مني وذيك النبرة
احبة يدلعني
احبة يحاسبني
يقولي لية ماتردي
وينك فية وين كنتي
اموت في صوتة القاسي ونبرة شوقة الدافي
اموت انا واحيا اذا قال انا اهوا
اموت في سواليفة وخوفة وتعابيرة
اسهر ليلي ادور لة واضم الصورة واقولة
احبك يابعد عمري
احبك ياهوى عمري
احبك ياهنا روحي وقلبي وبلسم جروحي
تجاوبني الصورة وتحكيلي
ولة وشوق يناديلي
انا ادري بة يحبني مثل مااحبة ويبيني
انا ادري بة يعشقني اموت فية ويحييني
يايبة اسمعني ترى عندي سواليف
يايبة خلني ذبحني التعب وذبحني الخوف
خلني احكيلك عن انسان يرضيك
تسلمني لة وانت مطمن
تقولة حطها بعيونك وأمن
تدري ويش بيجاوبك
تدري وش بيقولك
انا ادري بكل كلماتة بتفكيرة وعقلة وذاتة
ادري وش اكون انا بنتك بحياتة
انا الماضي وانا الحاضر
انا دنياة وحلمة انا في نظرتة باكر
ينتظر طيفي ونظرة تروية من عيني
ينتظر حضني ولمسة حانية من ايديني
ينتظر اروية تراة عطشان لحبي
ينتظر ادفية تراة بردان في بعدي
انا دنياة انا اهلة وانا ناساة
انا فرحة وايامة واحزانة
يبة انا حلمة عشاني اجل احلامة
وقالي انتي احلامي
معك بكرة تزين ايامي واحقق حلمي وانتي باحضاني
يبة مااقدر اخلية وارضى بغيرة واعطية
انا مخلوقة عشانة افدية بعمري حلة وحلالة
يبة بالله ساعدني رجيتك لا تخليني
يبة بالله سامحني انت الي قلت احكيلي
انا ادري فيك تفهمني ماحد غيرك بيسمعني
وين ماتكون تسمعني
انا والله تعبانة ولاحضانك ولهانة
انا الدنيا هدتني خذت مني هنا عمري
وهالانسان هو حلمي فرح عمري
مابيهم يبعدونة مابي احد ياخذة مني
يايبة وينك تعال ولة سلمني
قولة تحبك تعشقك بنتي
يبة قولة ابيع الدنيا عشانة
ابيع العمر والروح والعين لة ولهانة
ابي اكرس عمري لرضاتة
ابوسة بصبحي واضل بليلي سهرانة
ابي اشربة الموية بيدي واذا كح علية اسمي
ابي اغطية بلحافي واضمة حيل باحضاني
ابية لا ناداني اقول ياعمري وحياتي
ابية يسكر بجمالي وادلعة برقتي وحناني
ابي اعيش عمري ادور رضاتة
ابي اكون لسعود وفارس وحلا ام لعيالة
يبة ابي وابي وماتكفيني اوراقي
وش الحيلة والدبرة هالانسان هو حياتي
تدري انة يدلعني يقولي يابعد عمري
تدرى انة يغازلني لين يحمر خدي
تدري يقولي
حبيبتي
دلوعتي
واحس اني
واحس اني
واحس اني
عجزت اوصف احساس قلبي
عجزت اوصف احساسي وحبي
يبة احبة هذا كل الي عندي
يبة اعشقة هو حبيبي وعمري
يبة ان كان لي نصيب معاة بعيش فرحي
وان كان افترقنا اتمنى بهالحظة يفنى عمري


يبة وينك ابيك تجلس بجنبي تناظرني وتضحكلي
الرجوع الى أعلى الصفحة اذهب الى الأسفل
$مخـ،،ـاوي الليـ،،ـل$
المدير العام
المدير العام
avatar

البيانات :
تقيم العضو : 300
العمر : 30

مُساهمةموضوع: رد: يبه.. وينك اسمعني.. , $$$$$$$$$$$$$$$$$$$$   الخميس 25 فبراير - 19:19


صح لسانك وربي بجد ابداع وروعه اتمنى المزيد من هالمسجات اخي موفق يارب


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
يبه.. وينك اسمعني.. , $$$$$$$$$$$$$$$$$$$$
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
|''|منتدى شمعه حياتي|''| :: منتديات الادبــيه :: منتدى ♥•°΅°قصائد شعريه°΅°•♥-
انتقل الى: